ኣብ ዝሓለፉ መዓልታት፡ ብቕልጡፍ መስርሕ ፍርዲ ድሕሪ ምክያዱ፡ ብኣማኢት ዝቑጸሩ ሰባት ብዕንወት ንብረት፡ ባርዕ ምልዓልን ምዝማትን ተኸሲሶም ተኣሲሮም ኣለዉ።
ኣብ ደቡባዊ ፈረንሳ፡ ኣብ ወደባዊት ከተማ ማርሴይ፡ ሓደ መእከቢ ጎሓፍ ብሓዊ ክቃጸል እንከሎ፡ ሰልፈኛታት ንጎደናታት ንምዕጻው ሓጺናዊ መሰናኽላት ኣብ ጥቕሚ ኣውዒሎም። ኣብታ ካልአይቲ ዝዓበየት ከተማ ፈረንሳ፡ መኪና ኣኽበርቲ ሕጊ ክትቃጸል እንከላ ተራእያ።
ኣብ ደቡባዊት ምዕራባዊት ከተማ ቦርዶ፡ ገለ ጸሊም ክዳንን መሸፈኒ ገጽን ዝለበሱ ሰልፈኛታት፡ ካብ ሓደ ህንጻ ሰሌዳታት ኣውጺኦም ኣብ ጎደናታት ብምድርዳር መንገዲ ክዓጽዉ ተራእዮም።
ሓደ ኣብታ ሳልሰይቲ ዝዓበየት ከተማ ፈረንሳ ዝነበረ ሰልፈኛ፡ ኣብቲ ሰልፊ ኣስታት 150 ተማሃሮ ካልኣይ ደረጃን ዩኒቨርሲቲን ከም ዝነበሩ ብምግላጽ፡ ዘንብዕ ጋዝ ብሃንደበት ከም ዝተጠቕመን ኣብቲ ጎደና ምርኣይ ከም ዝጸገሞምን ተዛሪቡ።
ሚኒስተር ጉዳያት ውሽጢ ሃገር ኑኔዝ፡ ኣብ ኣጋምሸት ኣስታት 1,000 ሰባት ከም ዝተኣስሩን ቁጽሪ ማእሰርቲ ክውስኽ ከም ዝኽእልን ገሊጹ።
ብተወሳኺ፡ ኣብ ደቡባዊ ምዕራብ ከተማ ቱሉዝን ኣብ ማእከላይ ፈረንሳ ከተማ ክለርሞን-ፈራንንድን፡ ክልተ ሰባት ብኸቢድ ከም ዝቖሰሉ እቲ ሚኒስተር ሓቢሩ።
