ኬንያ ኣብ ዋጋ ነዳዲ ወሰክ ጌራ

መንግስቲ ኬንያ፡ ካብ 15 ጥቅምቲ ጀሚሩ ኣብ ዋጋታት ነዳዲ ወሰኽ ከም ዝገበረ ማዕከን ዜና ደቸ ቬለ ጸብጺቡ።

እዚ ስጉምቲ እዚ ምስቲ ኣብ ማእከላይ ምብራቕ ዝካየድ ዘሎ ኲናትን ግጭትን ተኣሳሲሩ፡ ዋጋ ነዳዲ ኣብ ዓለማዊ ዕዳጋ ብምውሳኹ ዝመጸ ምዃኑ ተገሊጹ።

ነዳዲ፡ ብ 6% ወሲኹ ሓደ ሊትሮ 226.96 ሽልንግ ኬንያ (1.75 ዶላር) ክብ ክብል ከሎ፡ ናፍታ ብ 4.5% ወሲኹ ሓደ ሊትሮ 227.76 ሽልንግ ኬንያ (1.76 ዶላር)፡ ጋዝ ድማ ሓደ ሊትሮ ናብ 219.87 ሽልንግ ኬንያ (1.69 ዶላር) ክብ ኢሉ ኣሎ።

በዓል መዚ ምቁጽጻር ጸዓትን ነዳድን ከም ዝሓበሮ፡ እዚ ሓድሽ ዋጋ ክሳዕ 14 ሕዳር ኣብ ግብሪ ክጸንሕ እዩ።

ኬንያ መብዛሕትኡ ፍርያት ነዳዲ ካብ ወጻኢ ሃገራት እተእቱ ብምዃና፡ ኣብ ዓለማዊ ቀረብ ንዝፍጠር ዝኾነ ምዝንባዕ ተቓላዒት ኮይና ትርከብ።

እዚ ወሰኽ ኣብ ህዝባዊ መጓዓዝያን ጽዕነትን፣ ምስ ዝቕባበ ናህሪ ዋጋታት ተተሓሒዙ መሰረታዊ ፍርያትን ባጀት ስድራቤታትን ከቢድ ጸቕጢ ከም ዝፈጥር ይግመት።