ኣዛዚ ሰራዊት ኢራን፡ ኣብ ትሕቲ መሬት ዝርከብ ፋብሪካ ድሮናት ዑደት ኣካይዱ

ብቴሌቪዥን መንግስቲ ኢራን ዝተሓላለፈ ተንቀሳቓሲ ምስሊ፡ ኣዛዚ ሰራዊት እታ ሃገር ኣሚር ሓታሚ፡ ኣብ ትሕቲ መሬት ዝርከብ መፍረዪ ቦታ ድሮናት ዑደት ከም ዘካየደ ኣርእዩ።

ሓታሚ፡ ትማሊ ሓሙስ 22 ጥቅምቲ፡ ንሪፖርተር ቴሌቪዥን መንግስቲ ኣብ ዝሃቦ ቃለ-መሕትት፡ ቴህራን “ማእከላት መፍረዪኣ ከም ዘስፍሐት”ን “ኣዝዩ ጽቡቕ መጠን ቀረብ ከም ዘለዋ”ን ገሊጹ።

ቅድሚ ኲናት ኣሜሪካ ኣብ ልዕሊ ኢራን፡ እታ ሃገር ኣብ ማእከላይ ምብራቕ ዝዓበየ መኽዘን ባሊስቲክ ሚሳይላት ከም ዝነበራ መንግስቲ ኣሜሪካ ክገልጽ ምጽንሑ ዝፍለጥ’ዩ።

ኣብቲ መኽዘን፡ ንስርዓታት መከላኸሊ ኣየር ክጥሕሱ ዝኽእሉ ክላስተር ጥይታት እውን ከም ዝርከቡ ተገሊጹ።

ኢራን ኣብ ልዕል’ዚ ዝማዕበለ ኢንዱስትሪ ድሮናት ከም ዘሎዋ ይግለጽ።

ቅድሚ ኲናት፡ እታ ሃገር ኣብ ዉሽጢ ሓደ ወርሒ ኣስታት 10,000 ድሮናት ክትፈሪ ከም ትኽእል ተገሊጹ ነይሩ።

ሻህድ ድማ ካብቶም ቀንዲ ተፈንጀርቲ ድሮናታ እዩ።

ብመሰረት ጋዜጣ ዘ ኒው ዮርክ ታይምስ፡ ሓደ ድሮን ሻህድ-136 ኢራን ንምፍራይ ኣስታት 35,000 ዶላር ወጻኢታት ትገብር።

ነቶም ድሮናት ንምውዳቕ ዝጥቀሙ ልዑል ቴክኖሎጂ ዘለዎም ወተሃደራዊ ኣጽዋር መጥፍኢ ግን፡ ኣብዚ ዓመት ንሰራዊት ኣሜሪካ ቢልዮናት ዶላራት ከውጽኡ ከም ዝተቀሰቡ ይግለጽ።